Хорватия терма жамоаси ярим ҳимоячиси Никола Влашич 2024 йилги Европа чемпионати учун терма жамоани тарк этди ярим ҳимоячи мушаклари шикастлангани сабабли нуфузли турнирда майдонга тушмайди.
Бу ҳақда жамоа матбуот хизмати хабар бермоқда. Европа чемпионати 1-турида Хорватия терма жамоаси Испания терма жамоаси билан учрашди. Златко Далич шогирдлари 0:3 ҳисобида йирик мағлубиятга учради. Ушбу учрашувда Влашич захира ўриндиғида қолди.
Гуруҳ босқичининг 2-тури доирасида хорватлар Албания терма жамоаси билан тўқнаш келишса, 3-турда Далич шогирдлари италиялик футболчилар билан тўқнаш келишади.
