"Барселона" ярим ҳимоячиси Френки де Йонг жароҳатидан тикланишда давом этмоқда.
27 ёшли футболчи тўпиғидан олган жароҳати туфайли Нидерландия терма жамоасига Евро-2024 да ёрдам бера олмайди. Инсайдер Фернандо Полонинг сўзларига кўра, "Барселона" ярим ҳимоячининг мавсумолди машғулотлари бошланишигача тўлиқ тикланишини кутмоқда. Футболчи айни дамда клуб физиотерапевтлари билан имкон қадар тезроқ формага киришиш учун ишламоқда.
Янги Ла Лига мусобақаси август ойида бошланади. Охирги мавсумда “Барселона” чемпион бўлган “Реал”дан ўн очко ортда қолиб, турнир жадвалида иккинчи ўринни эгаллади.
