Германия "Крокусда"ги каби терактлар Евро-2024 да содир бўлишидан қўрқмоқда.
Германия расмийлари Москвадаги терактга ўхшаш таҳдид ҳақида хабар беришди.
"Европа ва у билан бирга Германия жиҳодчи ташкилотлар, хусусан ИШИД ва "Хуросон вилояти" нишони остида" - деди Германия ички ишлар вазири Нэнси Фезер.
"Мумкин бўлган сценарий яқинда Москвада кўрганимиз каби кенг кўламли мувофиқлаштирилган ҳужумдир. "Хуросон вилоят", шубҳасиз, энг хавфли гуруҳдир", деди Германия Конституциясини ҳимоя қилиш федерал идораси раҳбари Томас Хальденванг.
Расмийларнинг қайд этишича, Евро-2024 жиҳодчи террорчилар учун жозибадор нишонга айланиши мумкин. Хусусан, "Хуросон вилояти" тарғиботи яқинда футбол стадионида автомат тутган жангари тасвирланган коллажни чоп этди. Сурат тагида: “Охирги голни уринг!" деб ёзилган.
Хальденвангнинг таъкидлашича, "Хуросон вилоят" "одамларни Украинани тарк этиш ниқоби остида Ғарбий Европага ўз тарафдорларини юборган".
Хавфсизлик учун энг катта таҳдид бу "ёлғиз бўрилар", деди расмий. У мисол тариқасида, июнь ойи бошида Мангеймда полициячини ўлдирган ва яна беш кишини пичоқ билан яралаган 25 ёшли афғонистонлик йигитни мисол қилиб келтирди.
