Златко Далич Хорватиянинг Албанияга (2:2) қарши ўйинидан сўнг ўз фикрларини билдириб ўтди.

Евро-2024 гуруҳ босқичининг икки туридан сўнг Хорватия 1 очко жамғариб, "B" гуруҳида сўнгги ўринда бормоқда. Сўнгги турда хорватлар Италия билан ўйнайди.

- Бу осон бўлмади. Жуда қийин ўйин, икки хил бўлим. Биз қўлимиздан келганини қилдик, 2:1 ҳисобида олдинда бориш учун кўп куч сарфладик ва якунда бу голни ўтказиб юбордик.

Асосийси, биз ҳали ҳам ўйиндамиз – ҳаммаси ўз қўлимизда, иккинчи бўлим далда берувчи бўлди. Бошланиш жуда ёмон эди. Биз иккинчи бўлимда яхшироқ кўриндик.

- Биринчи бўлимда нима бўлмади?

- Биринчи бўлим жуда секин ва ёпишқоқ ўтди, биз жуда кўп пас бердик, аста-секин ҳимоядан ҳужумга ўтдик. Иккинчи бўлимда тезкор футболчиларни майдонга туширдик.

- Албаниянинг иккинчи голи кутилмаганда бўлди...

- Ҳа. 45 дақиқа давомида сиз рақибни ярим ҳимоя чизиғини кесиб ўтишга тўсқинлик қиласиз, кейин эса сўнгги беш дақиқада яна ҳаммаси ўзгаради ва ҳисоб 2:1 бўлганида уларга қарши ҳужумдан гол уришга имкон берамиз. Ҳимояда жуда кўп муаммоларга дуч келдик.

- Футболчиларнинг муносабатидан кўнглингиз тўлдими?

- Бу муносабат масаласи эмас, мен ҳеч кимда хоҳиш ёки ҳаракат етишмади, деб айта олмайман, лекин бу иш бермади. Биз жуда секин эдик. Иккинчи бўлимда ҳаммаси ўзгарди, қайтиш учун ҳамма нарсани қилдик, лекин яна ўтказиб юбордик.

- Иккинчи бўлим - мўлжалми?

- Менимча ҳа. Биз шундай ўйнашимиз керак эди, лекин кераксиз очко йўқотганимиздан афсусдаман. Бундай бўлмаслиги керак эди, бу хато эди", - деди Хорватия терма жамоаси бош мураббийи.