Бугун Ўзбекистон Суперлигаси 12-туридан ўрин олган баҳсда "Насаф" "Нефтчи" билан куч синашади. Мазкур тўқнашув олдидан ЎзФҲМ матбуот хизмати Суперлига доирасида ўтказилган клублар иштирокидаги охирги 4 беллашувда кимлар бош ҳакамлик қилганини эслашга қарор қилди.

22.06.2022. "Нефтчи" 1:1 "Насаф" / Бош ҳакам: Рустам Лутфуллин (икки жамоага ҳам биттадан пеналти белгилаган, 5 та сариқ карточка кўрсатган).

07.11.2022. "Насаф" 0:1 "Нефтчи" / Бош ҳакам: Раҳимбек Каримов (5 та сариқ карточка кўрсатган).

02.07.2023. "Нефтчи" 2:1 "Насаф" / Бош ҳакам: Шавкат Насибуллаев (мезбонлар фойдасига битта пеналти белгилаган, 2 та сариқ карточка кўрсатган).

07.10.2023. "Насаф" 2:0 "Нефтчи" / Бош ҳакам: Темур Тўхтасинов (5 та сариқ карточка кўрсатган, мезбонлар вакили А. Чавезга иккинчи сариқ карточкани кўрсатиб, майдондан четлатган).

Эслатиб ўтамиз, бугун бу клублар ўртасидаги тўқнашувни Акобирхўжа Шукуруллаев бошчилигидаги ҳакамлар бригадаси бошқариб боради.