Bugun O‘zbekiston Superligasi 12-turidan o‘rin olgan bahsda "Nasaf" "Neftchi" bilan kuch sinashadi. Mazkur to‘qnashuv oldidan O‘zFHM matbuot xizmati Superliga doirasida o‘tkazilgan klublar ishtirokidagi oxirgi 4 bellashuvda kimlar bosh hakamlik qilganini eslashga qaror qildi.

22.06.2022. "Neftchi" 1:1 "Nasaf" / Bosh hakam: Rustam Lutfullin (ikki jamoaga ham bittadan penalti belgilagan, 5 ta sariq kartochka ko‘rsatgan).

07.11.2022. "Nasaf" 0:1 "Neftchi" / Bosh hakam: Rahimbek Karimov (5 ta sariq kartochka ko‘rsatgan).

02.07.2023. "Neftchi" 2:1 "Nasaf" / Bosh hakam: Shavkat Nasibullayev (mezbonlar foydasiga bitta penalti belgilagan, 2 ta sariq kartochka ko‘rsatgan).

07.10.2023. "Nasaf" 2:0 "Neftchi" / Bosh hakam: Temur To‘xtasinov (5 ta sariq kartochka ko‘rsatgan, mezbonlar vakili A. Chavezga ikkinchi sariq kartochkani ko‘rsatib, maydondan chetlatgan).

Eslatib o‘tamiz, bugun bu klublar o‘rtasidagi to‘qnashuvni Akobirxo‘ja Shukurullayev boshchiligidagi hakamlar brigadasi boshqarib boradi.