Габриэль Мартинелли Бразилия терма жамоасининг Америка Кубогидаги имкониятларига баҳо берди.
Бразилия терма жамоаси инқилобни бошдан кечирмоқда. Янги футболчилар келди - Эндрик, Беральдо, Савио. Каземиро, Неймар, Ришарлисон кабилар чақирилмади. Сизнингча, ҳозирги жамоа Америка кубогини юта оладими?
"Бизда Америка кубогини ютиш учун ажойиб имкониятлар мавжуд. Бу футболка қанчалик оғирлигини ҳамма тушунади.
Биз дунёнинг энг яхши жамоасимиз, футболчиларимизнинг савиясини одамлар билади. Улар жуда, жуда юқори сифатли.
Айтганингиздек, ҳозир терма жамоамиз сафида жамоамиз савиясини кўтарган ёш футболчилар ҳам кўп. Биз дунёдаги энг буюк тарихга эга жамоада ўйнаймиз. Биз ўз масъулиятимизни тушунамиз. Биз Америка Кубогига ўйнаш ва ғалаба қозониш учун келганмиз”, - деди Бразилия ва “Арсенал” вингери.
