Ирландиялик собиқ ярим ҳимоячи Жеймс Маклин Деклан Райсни жаҳон даражасидаги футболчи деб ҳисобламайди.
Эслатиб ўтамиз, инглиз футболчиси Лондоннинг "Арсенал" жамоасидаги дебют мавсумида Премьер-лигада мавсумнинг энг яхши футболчиси номига номзод бўлганди.
"Инглиз ОАВлари Райсни ҳаддан ташқари ошириб юборишади, у жаҳон даражасидаги футболчи эмас. Родри ўйинни бошқаради, Кроос ўйинни бошқаради, лекин Райс бошқара олмайди. У ўз ишини яхши билади, лекин унинг атрофида жуда кўп шов-шувлар бор. Менимча, бу адолатдан эмас", - деди Маклин Football Tweet билан суҳбатда.
Бир йил аввал “Арсенал” Райс учун Лондоннинг “Вест Хэм” клубига 117 миллион евро тўлаганди. Деклан бугун Англия терма жамоаси сафида гуруҳ босқичининг 2-турида Данияга қарши баҳс олиб боради.
