Италия терма жамоасининг собиқ ҳимоячиси Джорджо Кьеллини ҳужумчилар Криштиану Роналду ва Лионель Месси ҳақида гапирди.
"Криштиану Роналду "Ювентус"га қарши ўйинларда кўп гол урганини эслайман. Турли хил голлар. Мессига қарши ҳам ўйнадик, лекин у бизга гол урмади. Аммо 2005 йилнинг ёзида Мессига қарши илк бор ўйнаганимизда, унинг тўпни назорат қилиш ва комбинацияни кўриши мени ҳайратда қолдирди", — деди Джорджо Кьеллини AS билан суҳбатда.
Эслатиб ўтамиз, 2023 йилнинг декабрь ойи ўрталарида Кьеллини футболчилик фаолиятини якунлаган эди. Профессионал футболдаги 23 йил давомида италиялик футболчи "Ливорно", "Фиорентина" ва "Ювентус" каби жамоаларда ўйнашга муваффақ бўлди. Ҳимоячининг сўнгги клуби "Лос-Анжелес" бўлган.
