Украина терма жамоаси ҳужумчиси Артем Довбикнинг фикрича, Сергей Ребров жамоаси Евро-2024 гуруҳ босқичи 1-тури доирасидаги Руминиядан учралган мағлубият (0:3) учун мухлислар олдида айбини ювиши шарт.

"Бутун мамлакат бизга қарайди, ҳамма терма жамоадан умидвор, шунинг учун Руминия билан бундай натижага эришганимиз уят. 0:3 - буни ҳеч ким кутмаганди. Аммо бундай нокдаундан сўнг фақат кучлилар ўрнидан туриши мумкин ва биз майдонда мамлакатимиз биздан нима кутаётганини кўрсатишимиз керак", - дея Довбикнинг сўзларини келтиради УEФА расмий сайти.

Бугун, 21 июн куни Украина ҳамда Словакия терма жамоалари ўртасида Евро-2024 гуруҳ босқичи 2-тур учрашуви бўлиб ўтади.