Маркус Рэшфорд 2024 йилги Европа чемпионатига чақирув олмади. "Манчестер Юнайтед" ҳужумчиси ҳаттоки, май ойи ўрталарида эълон қилинган терма жамоанинг кенгайтирилган аризасида ҳам йўқ эди.
Гарет Саутгейтнинг қарори тушунарли бўлиб туюлди - Рэшфорд энг яхши мавсумни ўтказмади. Аммо ҳозир, Англия терма жамоаси очиқчасига суст ўйин кўрсатаётганда, саволлар туғилади.
Англиянинг Дания билан дуранг ўйнаганидан сўнг (1:1) Рэшфорднинг акаси Дуэйн фикр билдирди.
"Бир футболчи ўзгаришлар қилиши мумкинлигини билсанг-у, у ўйинларни ўтириб томоша қилса, қийин экан!" - деди Дуэйн.
