Суперлига 12-турида ОКМК ўз майдонида "Пахтакор"ни қабул қилиб, 4:2 ҳисобида ғалаба қозонди.

Дастлаб, Драган Черан 14-дақиқада пенальтидан унумли фойдаланиб, меҳмонларни ҳисобда олдинга олиб чиққан бўлса, 34-дақиқада Арихиро Сентоку мувозанатни тиклади. Тайм якунида 45+4-дақиқада Муҳаммадрасул Абдумажидов яна "шерлар"ни ҳисобда олдинга ўтиб олишини таъминлади.

Иккинчи бўлимнинг 78-дақиқасида Хуршид Ғиёсов ҳисобни тенглаштирган бўлса, 90-дақиқада Георги Папава олмалиқликларни ўйинда илк бор олдинга олиб чиқди. Ираклий Рухадзе эса 90+6-дақиқада таблодаги сўнгги натижани ўрнатган голни урди - 4:2.

ОКМК 23 очко билан турнир жадвалида пешқадамликни мустаҳкамлади. "Пахтакор" 16 очко билан 6-поғонада.