"Милан"нинг собиқ бош мураббийи Стефано Пиоли ишга қайтишга шошилмаяпти.
Италиялик мутахассис ўтган мавсум якунида "россонерилар" бош мураббийлигидаги ўрнини тарк этганди. Инсайдер Николо Скиранинг маълум қилишича, сўнгги ҳафталарда Пиоли иккита таклиф олишга муваффақ бўлди, аммо иккаласини ҳам рад этди. Гап Англия ва Туркиядан номлари ошкор этилмаган клублардан келган таклифлар ҳақида кетмоқда.
Аввал хабар қилинганидек, "Ноттингем Форест" Стефано Пиолини тайинлаш имкониятини кўриб чиққанди, бироқ италиялик мутахассис фаолиятини давом эттириш учун бу вариантга қизиқмаган.
"Милан"ни тарк этишдан бироз олдин мураббий инглиз тилини ўрганаётганини тан олганди.
