"Бавария" ярим ҳимоячиси Жошуа Киммих ҳали клубдаги келажаги ҳақида бир қарорга келмаган. 29 ёшли футболчининг амалдаги шартномаси бир йилдан сўнг тугайди, ҳозирча шартномани узайтириш бўйича музокаралар олиб борилмаяпти.
Sport1 хабарига кўра, Киммих ўзи учун қулай вазиятда эканлигини тушунади ва қарор қабул қилишга шошилмаяпти. Ҳозир германиялик кетиш ҳақида ўйламаяпти, бироқ у келаси йили эркин агентга айланганда ва янги клубидан катта миқдордаги бонусга эга бўлса, бундай имкониятни кутади.
"Бавария" Киммихни шу ёзда сотиш имкониятидан воз кечмаяпти. Ҳимояда ўнг қанотда ўйнай оладиган ярим ҳимоячи билан хайрлашиш мюнхенликларга маоши бўйича босимни енгиллаштиришга ёрдам беради.
