"Bavariya" yarim himoyachisi Joshua Kimmix hali klubdagi kelajagi haqida bir qarorga kelmagan. 29 yoshli futbolchining amaldagi shartnomasi bir yildan so‘ng tugaydi, hozircha shartnomani uzaytirish bo‘yicha muzokaralar olib borilmayapti.
Sport1 xabariga ko‘ra, Kimmix o‘zi uchun qulay vaziyatda ekanligini tushunadi va qaror qabul qilishga shoshilmayapti. Hozir germaniyalik ketish haqida o‘ylamayapti, biroq u kelasi yili erkin agentga aylanganda va yangi klubidan katta miqdordagi bonusga ega bo‘lsa, bunday imkoniyatni kutadi.
"Bavariya" Kimmixni shu yozda sotish imkoniyatidan voz kechmayapti. Himoyada o‘ng qanotda o‘ynay oladigan yarim himoyachi bilan xayrlashish myunxenliklarga maoshi bo‘yicha bosimni yengillashtirishga yordam beradi.
