Суперлига 12-туридан ўрин олган ОКМК – "Пахтакор" (4:2) учрашувидан сўнг меҳмонлар бош мураббийи Максим Шацких ўз фикрларини билдириб ўтди.

"Ўйинни кўрдингиз. 6 та гол кўрдик. Мухлисларга ёқди. ОКМК ишқибозлари хурсанд бўлиб ортга қайтди, аммо ўзимизни мухлисларни хурсанд қила олмадик. Афсуски, мағлубиятга лойиқ эмас эдик. Хатоларимиз сабабли ўзимизга-ўзимиз олиб келдик. Ҳамма рақиб ҳам буни кечиравермайди. Ёшлар билан стабиллик намойиш этиш қийин. Хатолар устида ишлашда давом этамиз.

Ўринбоев ҳозирча қайдномада йўқ. Ёзги трансфер ойнаси очилгач, уни сафимизга қўшишимиз мумкин.

Биз чекинмадик. Ўйинда давом этдик. ОКМК кўпроқ босим қилди. Айрим футболчиларга кўрсатмаларни етказиб беришни имкони бўлмаяпти. Яна айримлари ўзига бегона бўлган позицияда тўп сурмоқда. Буни ҳам ўрганиш лозим. Масалан Беҳруз Асқаров чап қанотга ўтди. Афсуски, бу зонада бизда бошқа футболчи йўқ. Ҳар сафар шогирдлариингизга нима истаётганини тушунтириб бўлмайди.

Пенальти жуда кулгули. Тушунамиз, улар ёшлар, аммо айнан улар хато қилмаслиги керак. Майли, Расул 4-голда хато қилди, бироқ 19 ёшли футболчи учун ёмон кўринмаяпти. Ҳожиакбар майдонга чиқди ва футболни соғингани сезилди. Тушунаман, футболчилар тезроқ майдонга қайтишни истайди, аммо шифокорлар кўрсатмаси бор. Биз шундоқ ҳам, уларни ҳаммасига риоя қилмаяпмиз. 3-4 машғулотда иштирок этиб бирданига яна майдонда мўъжиза кўрсатишни имкони йўқ. Буни жисмонан ва руҳан имкони йўқ. Ярим мавсумни ўтказиб юборди улар. Атиги 2-3 машғулотни ўзи етарли эмас. Улар тайёр эмас. Шу сабабли, уларни ўйинларда секин-аста захирадан жангга ташлаб, ўйин тонусига кириб олишини таъминлаяпмиз", — деди Шацких.