Москванинг «Локомотив» клубида дебют учрашувини ўтказган Ўзбекистон терма жамоаси ҳимоячиси Виталий Денисов «Терек»ка қарши учрашувда 90 дақиқа ҳаракат қилди. Учрашувда 1:1 ҳисобидаги дуранг натижа қайд этилди. Учрашувдан кейин «Спорт-Экспресс» нашри мухбирлари ҳамюртимизни суҳбатга тортишди.

— Асосий таркибда майдонга тушиш сиз учун қанчалик «сюрприз»ларни тақдим қилди?
— Ҳафталик ўйинлар циклига кўра, майдонга тушиш имконим борлигини билардим. Таркиб ўзгаришига ишониб келаётгандим. Албатта бу воқеадан кейин ўзимда кўтаринки ҳолатни сездим. Бу мен учун имконият эди. Ахир мен жамоада янгиман. Умид қиламанки, ўйинимдан мураббийлар штаби хафа бўлишмади.

— Майдон сизнингча қандай ҳолатда экан?
— Ёмғир ёғиб ўтиши натижасида чим анча юмшоқ бўлиб қолган. Аммо барчаси нормал ҳолатда кечди.

— Рақибга қандай баҳо берган бўлардингиз?
— «Терек» жуда кўп хавфли вазиятлар яратди, деб ўйламайман. Меҳмонлар яхши зарба билан гол уриб кетишди. Бироқ қарши ҳужумда ортиқча хавф туғдиришгани йўқ. Учрашувда жуда кўп муддат устунлик қилиб ғалаба қозона олмаганимиз бироз кўнгилни хира қилди. Биз бугун ғалаба қозониш илинжида майдонга чиққандик. Кейинги турларда натижа бошқача бўлишини хоҳлардим. Кейинги турда бунданда яхшироқ ўйин кўрсатишимизга ишончим комил.