Туркия терма жамоаси ва “Фенербахче” клуби ҳимоячиси Ферди Кадиўғли Дортмунднинг “Боруссия” клуби футболчисига айланиши мумкин, дея хабар беради журналист Фабрицио Романо.
Манбанинг хабарига кўра, футболчи билан "арилар"нинг янги бош мураббийи Нури Шаҳин қизиқмоқда. "Фенербахче" билан музокаралар аллақачон олиб борилган.
Ўтган мавсумда "Боруссия"да ижара асосида ўйнаган "Челси" ҳимоячисини "Астон Вилла" ўз сафига қўшиб олмоқчи бўлгани ҳақида маълумот пайдо бўлгач, улар футболчига қизиқиш билдиришди.
Эслатиб ўтамиз, ўтган мавсумда 24 ёшли футболчи барча турнирларда 52та ўйинда иштирок этиб, учта гол ва бешта голли узатмага муаллифлик қилган. Футболчининг клуб билан амалдаги меҳнат шартномаси 2026 йилнинг ёзига қадар тузилган.
