Ҳимоячи Люк Шоу февраль ойидан бери майдонга тушмаяпти, аммо барибир Англия терма жамоасининг Европа чемпионатига борадиган таркибига киритилган.
Шоу иккинчи ўйингача тўлиқ тикланиши кутилганди, аммо бундай бўлмади.
Афтидан, ҳимоячи Словенияга қарши турнирдаги учинчи ўйинда майдонга тушишга тайёр эмас. Шундай қилиб, ўнг қанот футболчиси Киран Триппьер яна ҳимояда чапда ўйнайди.
Goal портали ижтимоий тармоқларда англиялик мухлислар Гарет Саутгейтни Люк Шоуни таркибга қўшиш қарори учун танқид қилишаётганига эътибор қаратди.
“Саутгейтнинг даҳшатли қарори. У нима ҳақида ўйлайди? - деб ёзган мухлислардан бири.
"Бир чап қанот ҳимоячиси ва шу билан бирга жароҳат олган футболчини бошқа жойда ўйнатиш Саутгейтнинг даҳоси", деб ёзган яна бир мухлис.
