"Байер" ва Испания терма жамоасининг чап қанот ҳимоячиси Алехандро Гримальдода ўз собиқ жамоасига нисбатан хафалик ҳисси йўқ.
Футболчи "Барселона" ёшлар академиясини тамомлаган ва тўрт йил давомида "кўк-анорранглилар"нинг иккинчи жамоасида ўйнаган. 2016 йилда у "Бенфика"га атиги 2 миллион евро эвазига сотиб юборилган.
"Мен «Барселона»дан умуман хафа эмасман, менда ҳеч қандай салбий ҳислар йўқ. У ерда ўтказган йилларим бугунгидек бўлишимга ёрдам берди. Мен эришган ютуқларимдан мамнунман, буларнинг барчаси асосан “Барселона”даги тажрибам туфайли содир бўлди”, деди 28 ёшли футболчи Mundo Deportivo нашрига берган интервьюсида.
