"Рубин" ва Албания терма жамоаси ҳужумчиси Мирлинд Даку УEФА томонидан жазо олди.
Европа чемпионатида Хорватия билан 2:2 ҳисобидаги дурангдан сўнг Даку серблар ва македонияликларни ҳақорат қилди.
Натижада Даку икки ўйинга дисквалификация қилинди. Албания терма жамоаси аллақачон УEФАнинг футболчи иши бўйича қарорини тасдиқлаган.
Шу тариқа, Мирлинд Даку Албания терма жамоаси сафида Евро-2024 гуруҳ босқичи 3-тури доирасидаги Испанияга қарши ўйинда майдонга туша олмайди. Агар албанлар у ерга этиб боришга муваффақ бўлишса, Даку 1/8 финал ўйинини ҳам ўтказиб юборади.