"Атлетик" вингери Нико Уильямс Лондоннинг "Челси"сига ўтмайди. Бу ҳақда журналист Фабрицио Романо хабар бермоқда.
Манбага кўра, "кўклар" 21 ёшли испаниялик учун 58 миллион евро тўламоқчи эмас, чунки бу сумманинг катта қисми дарҳол тўланиши керак.
Яна бир сабаб Уильямснинг “Атлетик”даги катта маоши экани айтилмоқда. "Челси" Испания Ла Лигасининг сўнгги мавсумида атиги бешта гол урган ҳужумкор футболчи учун бунчалик кўп пул сарфламоқчи эмас.
Нико Уильямснинг Бильбао жамоаси билан меҳнат шартномаси 2027 йилнинг ўрталарига қадар тузилган. Transfermarkt футболчининг нархини 60 миллион еврога баҳоламоқда.
