Хорватия терма жамоаси бош мураббийи Златко Далич терма жамоанинг 2024 йилги Европа чемпионатидаги асосий муаммосини айтиб ўтди.

"Биз унчалик яхши бошламадик. Ўз даражамизда эмас эдик. Жуда осон гол ўтказиб юборамиз. Қатарда гуруҳ босқичида битта гол ўтказиб юборган бўлсак, энди иккита ўйинда бешта гол ўтказиб юбордик. Перишич Қатардаги энг яхши формага эга эмас. Айрим футболчилар икки ёш катта ва кучли рақибларга қарши ўйнаяпмиз. Лекин ўйлайманки, асосий муаммо биз голларни жуда осон ўтказиб юборамиз", - дея Даличнинг сўзларини келтиради УEФА матбуот хизмати.

Бугунги кунга келиб хорватлар бир очко билан "B" гуруҳида тўртинчи ва охирги ўринда бормоқда.