Туркия футбол федерацияси президенти Меҳмет Буюкекши ижтимоий тармоқларда Туркия терма жамоаси атрофида юзага келган можарога изоҳ берди.
Аввалроқ интернетда туркиялик мураббийлар штаби Арда Гюлерни жамоадан алоҳида машғулот ўтказишга мажбурлаётгани акс этган видео пайдо бўлганди. Кейинчалик маълум бўлишича, бу мураббийлар штаби томонидан жазо эмас, балки Гюлернинг енгил жароҳати туфайли зарур чора бўлган.
"Ҳеч ким терма жамоамиздан шахсий манфаат учун фойдалана олмайди. Гуруҳдан чиқишимиз учун Чехия билан ўйинда ҳам битта очко етарли бўларди. Аммо, афсуски, ижтимоий тармоқлардаги видеолар орқали ифлос, нотўғри маълумотлар пайдо бўлади.
Тарих давомида футболимизга жамоамиз муваффақияти шахсий умидларини оқлашини истамайдиган кимсаларнинг шахсий манфаатлари таҳдид қилиб келган. Ўтмишдагидек бугун ҳам миллий қадриятлардан бебаҳра одамлар яна майдонга чиқди. Улар жамоамизнинг гуруҳдан чиқишини истамайди, бу эса халқимизга таъсир қилади.
Давлат байроғи туширилган форма кийган ўғлонларимиз ўз муваффақиятлари билан биздан бўлмаганларни яна бир карра хафсаласи пир бўлишига чин дилдан ишонамиз. Биз жамоамизнинг барча футболчилари ва техник ходимларига доим ишонганмиз ва ишонишда давом этамиз", - дея Буюкекшининг сўзларини келтиради ТФФ матбуот хизмати.
