Тьерри Анри Уэльсни бошқариши мумкин.
Ўтган ҳафтада жамоада 3,5 йил ишлаган Роб Пейдж Уэльс терма жамоаси бош мураббийлигидан бўшатилди.
BBC хабарига кўра, Пейдж ўрнига номзодлардан бири "Арсенал"нинг собиқ ҳужумчиси Тьерри Анридир. Ҳозирда у Франция U-21 терма жамоасини бошқаради.
Қайд этилишича, Уэльс футбол ассоциацияси янги бош мураббий тайинлашда шошилишни истамаяпти, чунки жамоа сентябргача майдонга тушмайди.
Ташкилотнинг айрим раҳбарлари, худди Райан Гиггз билан бўлгани каби, терма жамоанинг бошида ҳам машҳур шахсни кўришни истайди.
