“Рома” ва Италия терма жамоаси ҳужумчиси Стефан Эль-Шаарави миллий терма жамоа Евро-2024 плей-офф босқичига чиққанидан сўнг ўз фикрларини билдириб ўтди.

- Ҳеч бир жамоа Италияга қарши ўйнашдан хурсанд эмас, чунки бизда катта тарих бор; Биз амалдаги чемпионмиз ва бизга қарши ўйнаш ҳеч қачон осон эмас. Буни Хорватия билан ўйинда кўрдик. Мақсадимиз ҳар бир жамоага қарши очиқ ўйнаш. Швейцарияга қарши ҳам шундай қиламиз.

Хорватия билан ўйин жуда ҳиссиётларга бой бўлди; 97-дақиқада урилган гол катта қувонч келтиради. Ҳаммамиз жуда хурсанд эдик. Биз ҳеч қачон таслим бўлмаймиз, ҳар доим охиригача ишонамиз. Италия ҳақли равишда плей-офф йўлланмасини қўлга киритди", деди "Рома" футболчиси.