“Roma” va Italiya terma jamoasi hujumchisi Stefan El-SHaaravi milliy terma jamoa Yevro-2024 pley-off bosqichiga chiqqanidan so‘ng o‘z fikrlarini bildirib o‘tdi.

- Hech bir jamoa Italiyaga qarshi o‘ynashdan xursand emas, chunki bizda katta tarix bor; Biz amaldagi chempionmiz va bizga qarshi o‘ynash hech qachon oson emas. Buni Xorvatiya bilan o‘yinda ko‘rdik. Maqsadimiz har bir jamoaga qarshi ochiq o‘ynash. Shveysariyaga qarshi ham shunday qilamiz.

Xorvatiya bilan o‘yin juda hissiyotlarga boy bo‘ldi; 97-daqiqada urilgan gol katta quvonch keltiradi. Hammamiz juda xursand edik. Biz hech qachon taslim bo‘lmaymiz, har doim oxirigacha ishonamiz. Italiya haqli ravishda pley-off yo‘llanmasini qo‘lga kiritdi", dedi "Roma" futbolchisi.