Англия терма жамоаси учун хушхабар. Ҳимоячи Люк Шоу Евро-2024 ўйинининг кейинги ўйинида майдонга тушишини тасдиқлади.
Хабарингиз бор, Шоу февраль ойидан буён жароҳати сабаб майдонга тушмади, бироқ уни турнир учун "Уч шерлар" таркибига киритишга қарор қилинганди.
Журналистлар Шоудан қачон майдонга қайтиши мумкинлигини сўрашган ва жавоб қисқа бўлган: "Кейинги ўйин".
Эслатиб ўтамиз, Европа чемпионати гуруҳ босқичининг учта ўйинида Киран Триппьер Англия терма жамоаси ҳимоясининг чап қанотида ҳаракат қилди. Европа чемпионати 1/8 финалида Англия терма жамоаси Словакияга қарши баҳс олиб боради. Учрашув 30 июнь куни бўлиб ўтади.