Англия терма жамоаси ярим ҳимоячиси Кобби Майну жамоаси Евро-2024да ғалаба қозонишига ишонмоқда.
Эслатиб ўтамиз, Гарет Саутгейт шогирдлари гуруҳ босқичини биринчи ўринда якунлаганди. ⅛ финалда жамоа тез орада Словакия терма жамоасига қарши ўйнайди.
"Англия сафида ҳамма бахтли. Биз гуруҳда ғалаба қозондик ва бу бизнинг биринчи жиддий ютуғимиз. Биз ҳали кўп нарсага эришишимиз кераклигини биламиз. Биз бунга эришишимиз мумкинлигига ишонамиз", - деди Майну United Stand билан суҳбатда.
Эслатиб ўтамиз, гуруҳ босқичининг учта ўйинида Англия фақат бир марта ғалаба қозонган ва икки бор дуранг ўйнаган. Саутгейт жамоаси атиги иккита гол уришга муваффақ бўлди ва мухлислар танқидига учради.