Angliya terma jamoasi yarim himoyachisi Kobbi Maynu jamoasi Yevro-2024da g‘alaba qozonishiga ishonmoqda.

Eslatib o‘tamiz, Garet Sautgeyt shogirdlari guruh bosqichini birinchi o‘rinda yakunlagandi. ⅛ finalda jamoa tez orada Slovakiya terma jamoasiga qarshi o‘ynaydi.

"Angliya safida hamma baxtli. Biz guruhda g‘alaba qozondik va bu bizning birinchi jiddiy yutug‘imiz. Biz hali ko‘p narsaga erishishimiz kerakligini bilamiz. Biz bunga erishishimiz mumkinligiga ishonamiz", - dedi Maynu United Stand bilan suhbatda.

Eslatib o‘tamiz, guruh bosqichining uchta o‘yinida Angliya faqat bir marta g‘alaba qozongan va ikki bor durang o‘ynagan. Sautgeyt jamoasi atigi ikkita gol urishga muvaffaq bo‘ldi va muxlislar tanqidiga uchradi.