"Манчестер Сити" ўз ҳужумчиси Хулиан Альварес билан хайрлашишга тайёрми ёки йўқлиги маълум бўлди.

Журналист Экрем Қўнғирнинг ёзишича, “шаҳарликлар” аргентиналик футболчига “ПСЖ” ва “Барселона”дан катта қизиқиш билдираётганига қарамай, ёзги трансфер ойнасида 24 ёшли футболчини қўйиб юборишни режалаштирмаяпти.

Ўтган клуб мавсумида Альварес барча турнирларда 54 та ўйинда қатнашиб, 19 та гол урди ва 13 та голли узатмани амалга оширди. Ҳужумчининг "Манчестер Сити" билан амалдаги шартномаси 2028 йилгача мўлжалланган.

Transfermarkt портали экспертлари Альвареснинг нархини 90 миллион еврога баҳоламоқда.