"Ницца" ярим ҳимоячиси Кефрен Тюрам "Ювентус"га ўтишга янада яқинлашди.
Туринликлар клуби 23 ёшли футболчига қизиқиш билдираётгани ҳақида маълумотлар бир кун аввал пайдо бўлганди. Франциялик футболчи "бьянконерилар"нинг асосий мақсадларидан бири сифатида аниқланган ва клублар энди келишувни якунлашга яқин турибди. Журналист Ромео Агрестининг янгиланган маълумотларига кўра, "Ювентус" Тюрамни имкон қадар тезроқ қўлга киритиш учун фаол ҳаракат қилмоқда. Агар ҳаммаси режадагидек кетса, Италия гранди яқин кунларда трансферни расмийлаштира олади.
Transfermarkt портали Кефрен Тюрамнинг нархини 35 миллион еврога баҳоламоқда, бироқ шартнома бир йилдан кейин тугаши туфайли "Ницца" ярим ҳимоячидан тахминан 15-20 миллион евро ишлаб олиши мумкин бўлади.
