Германия терма жамоаси бош мураббийи Юлиан Нагельсманн Европа чемпионати-2024 плей-офф босқичи арафасида ўз фикрларини билдириб ўтди. Мутахассиснинг фикрича, гуруҳ босқичининг Швейцария билан сўнгги ўйини (1:1) плей-офф ўйинлари олдидан ажойиб синов бўлди.
"Швейцарияга қарши ўтган ўйинда жуда кўп таваккал қилдик. Бу муҳим ўйинлар олдидан жуда яхши синов бўлди ва биз ўйинга қандай қайтишни биламиз. Жамоамизда ўзгача руҳ бор. Биз уни қўллаб-қувватлашимиз керак, чунки у натижага катта таъсир кўрсатиши мумкин. Катта турнирлар қонуни шундаки, ҳар бир босқичда рақиблар қийинлашиб бораверади" - деди Нагельсманн матбуот анжуманида.
Эслатиб ўтамиз, Германия гуруҳдан биринчи ўринда чиқди. 1/8 финалда немислар Дания терма жамоаси билан учрашади.
