"Барселона" сардори Серхи Роберто ёзда клубини ўзгартириши мумкин.
Молиявий муаммолар туфайли каталониялик гигант 32 ёшли фахрийни рўйхатдан ўтказа олмайди. Ярим ҳимоячи вазият тубдан ўзгармас экан, қола олмаслигини тушунади, деб ёзади журналист Габриэль Санс. Робертога Ла Лига вакиллари, жумладан, "Жирона", "Валенсия" ва "Севилья" ҳамда "Интер" қизиқиш билдирмоқда. Футболчининг ўзи Англияда ўзини синаб кўрмоқчи.
Серхио Роберто 2006 йилда клуб академиясига қўшилганидан бери "Барселона"ни ҳеч қачон тарк этмаган. Ўтган мавсумда испаниялик футболчи 24 учрашувда 3 та гол ва 3 та голли узатмани амалга оширган.
