Украина терма жамоаси ва Мадриднинг “Реал” клуби дарвозабони Андрей Лунин Франция чемпионатига ўтиши мумкин. Бу ҳақда Defensa Central нашри хабар бермоқда.
Манбага кўра, украиналик дарвозабон "ПСЖ" қизиқиш доирасига тушиб қолган. Лунин бельгиялик Тибо Куртуа соясида қолишни истамаяпти ва ўзининг клубини ўзгартириш ҳақида ўйламоқда.
Унинг трансфер нархи 25 миллион еврога баҳоланган ва шартномаси 2025 йилнинг ўрталарига қадар амал қилади.
Эслатиб ўтамиз, ёзги трансферлар вақтида парижликлар сафига россиялик Матвей Сафонов келиб қўшилганди. Дарвозабоннинг трансфери Франция топ-клубига 20 миллион еврога тушди.
