Испания терма жамоаси ҳимоячиси Алехандро Гримальдо жамоасининг Европа чемпионати-2024 плей-офф босқичидаги истиқболлари ҳақида гапирди.
Евро-2024 1/8 финалида испанлар эртага, 30-июнь куни Грузия терма жамоаси билан учрашадилар.
"Бу футболкани кийганингизда босим бир хил - қачон ва кимга қарши ўйнашингиз муҳим эмас. Чунки бу Испания футболкаси.
Гуруҳ босқичида қоқилиб қолган бўлсангиз, ҳаммасини тузатишингиз мумкин.
Ҳар қандай яхши футболчининг менталитети шундаки, у ва унинг жамоаси ҳар кимни мағлуб эта олади. Испания терма жамоасига келсак, Грузияни мағлуб этиш, кейинги босқичга чиқиш ва ўз ўйинимизда намунали футбол кўрсатишга ҳаракат қиляпмиз", - дея Гримальдонинг сўзларини келтиради УEФА расмий сайти.