Ispaniya terma jamoasi himoyachisi Alexandro Grimaldo jamoasining Yevropa chempionati-2024 pley-off bosqichidagi istiqbollari haqida gapirdi.
Yevro-2024 1/8 finalida ispanlar ertaga, 30-iyun kuni Gruziya terma jamoasi bilan uchrashadilar.
"Bu futbolkani kiyganingizda bosim bir xil - qachon va kimga qarshi o‘ynashingiz muhim emas. Chunki bu Ispaniya futbolkasi.
Guruh bosqichida qoqilib qolgan bo‘lsangiz, hammasini tuzatishingiz mumkin.
Har qanday yaxshi futbolchining mentaliteti shundaki, u va uning jamoasi har kimni mag‘lub eta oladi. Ispaniya terma jamoasiga kelsak, Gruziyani mag‘lub etish, keyingi bosqichga chiqish va o‘z o‘yinimizda namunali futbol ko‘rsatishga harakat qilyapmiz", - deya Grimaldoning so‘zlarini keltiradi UEFA rasmiy sayti.