Англия терма жамоаси Европа чемпионатининг 1/8 финалида словакияликлар билан ўйинда иродали ғалабага эришди (2:1). Захирадан майдонга тушган Айван Тони ўйиндан сўнг фикрлари билан ўртоқлашди.

"Ўйлайманки, биз ўйин охиридаги муносабатимиз билан ғалабага лойиқ эдик. Шахсан мен учун юртим шарафини ҳимоя қилиш катта шараф. Мен ҳар доим тайёр бўлишим керак, мен буни кўрсатдим деб ўйлайман. Менимча, бизда ҳали фойдаланилмаган салоҳият бор, бу бизга ёрдам беради", - дея Тони сўзларини келтиради BBC Sport.

Европа чемпионатининг чорак финалида Англия терма жамоаси швейцарияликларга қарши баҳс олиб боради.