"Бавария" марказий ҳимоячиси Маттейс де Лигт Англия Премьер-лигасига ўтишга тайёр. Журналист Марк Вервейнинг хабарига кўра, нидерландиялик футболчи "Манчестер Юнайтед"дан "Бавария" раҳбарияти билан унинг трансфери борасида келишиб олишини кутмоқда.

Эслатиб ўтамиз, "Манчестер Юнайтед" бош мураббийи, Амстердамнинг "Аякс" клубида де Лигт билан бирга ишлаган Эрик тен Хагнинг шахсан ўзи марказий ҳимоячи билан қайтадан учрашишдан манфаатдор.

"Бавария" раҳбарияти бу ёзда де Лигт билан хайрлашишга қарши эмас, чунки нидерландиялик футболчи Туриннинг "Ювентус" клубидан ўтганидан сўнг дастлабки икки мавсумда барқарор ўйин кўрсатмади.