Лондоннинг "Челси" клуби тиббий кўрикнинг биринчи қисмидан ўтган "Лестер" ярим ҳимоячиси Кирнан Дьюсбери-Холлни сотиб олишга яқин турибди. Бу ҳақда журналист Фабрицио Романо хабар бермоқда.
Манба берган хабарга кўра, футболчи бугун тиббий кўрикнинг иккинчи қисмидан ўтади ва шундан сўнг Лондон клуби билан шартнома имзолайди. Эслатиб ўтамиз, "Челси" бир неча кун аввал "Лестер" билан трансфер бўйича келишиб олган "Брайтон"дан Дьюбери-Холлни тортиб олди.
Кирнан "Челси"га 35 миллион еврога тушиши кутилмоқда. Дьюсбери-Холл ўтган мавсумда "Лестер"нинг энг яхши ўйинчиларидан бири бўлган ва жамоанинг Англия Премьер-лигасига қайтишига ёрдам берган.
