Туриннинг “Ювентус” клуби ярим ҳимоячиси Мануэль Локателли ушбу трансфер ойнасида жамоасини тарк этиши мумкин. Tuttosport хабарига кўра, агар "кекса сеньора" бугун эркин агентга айланган ярим ҳимоячи Адриен Рабьони ўзида сақлаб қола олса, бундай воқеа содир бўлиш эҳтимоли катта.
Манбанинг қайд этишича, ҳозирда Локателли хизматларига Роберто де Дзерби мураббийлигига ўтган Франциянинг "Марсель" клуби қизиқмоқда. Эслатиб ўтамиз, Мануэль "Сассуоло" таркибида Роберто бошчилигида ўйнаган.
Локателли Италия терма жамоаси сафида Европа чемпионатидаги муваффақиятли ўйинларидан сўнг 2021 йилнинг ёзида “Ювентус”га ўтган эди.
