Хабарингиз бор, 14 апрель санасида "Навбаҳор"ни сафарда "Қизилқум" билан учрашув кутиб турибди. Ушбу баҳсга "лочинлар" қаттиқ тайёргарлик кўришмоқда.

Жамоа ўз машғулотларини "Динамо" ўйингоҳида олиб бормоқда. Кеча жамоанинг кечки машғулотлари нақ 4 соатга яқин давом этиб, жамоа мураббийи Мустафо Байрамов футболчиларнинг "сувини сиқиб ичмоқда". Машғулотларнинг ранг-баранг олиб борилаётгани футболчиларнинг ўзларига ҳам ёқмоқда. Узоқ давом этган машғулотларда Ғайрат Жўраев, Қаҳрамон Муҳаммаджонов, Акрам Баҳриддинов сингари футболчилар ўзларини кўрсатишди.

Афтидан, "Қизилқум"га қарши ўйинда ҳам Мустафо Байрамов футболчларни майдонга олиб тушади, шекилли. Чунки Усмон Асқаралиев ҳали тўлиқ соғайиб кетганича йўқ.

Умуман олганда, клуб ички ҳаёти ҳақида илиқ фикрларни билдириш мумкин. Барча футболчилар яхши кайфиятда бўлажак учрашувга ҳозирлик кўришмоқда.