2023/2024 йилги мавсумда "Хетафе"да ижара асосида ўйнаган 22 ёшли ҳужумчи Мейсон Гринвуд "Манчестер Юнайтед"га қайтди. Бу ҳақда испан клуби матбуот хизмати хабар берди.

Аввалроқ ОАВда инглиз форвардига Италиянинг "Ювентус" ва "Лацио", Испаниянинг "Валенсия", Франциянинг "Марсель" ва Туркиянинг "Фенербахче" клублари қизиқиш билдираётгани ҳақида хабарлар тарқалганди.

Эслатиб ўтамиз, ўтган мавсумда Гринвуд барча турнирларда 36 та ўйинда қатнашиб, 10 та гол ва 6 та голли узатмани амалга оширган. Футболчининг инглиз клуби билан амалдаги меҳнат шартномаси 2025 йилнинг ёзига қадар тузилган. Transfermarkt порталида берилган маълумотларга кўра, футболчининг бозор қиймати 25 миллион еврони ташкил қилади.