Кевин Де Брюйненинг "Манчестер Сити" билан амалдаги шартномаси тугашига атиги бир йил қолди.

2024 йилги Европа чемпионати бошланишидан олдин ҳам Бельгия терма жамоаси сардори Саудия Арабистонига ўтиши мумкинлиги айтилганди. 32 ёшли ярим ҳимоячининг ўзи ҳозирда турнирда ўйнаш ва дам олишни режалаштирган.

"Ёзни тинч ўтказаман. Таътилдан завқланиб, кейин "Манчестер Сити"га қайтаман. Ўйлайманки, яқин ойларда биз музокаралар ўтказамиз", - деди бельгиялик футболчи.

Эслатиб ўтамиз, 1 июль, душанба куни Бельгия терма жамоаси Евро-2024 1/8 финалида Франция терма жамоаси билан учрашади.