Собиқ марказий ҳимоячи Леонардо Бонуччи Италия терма жамоасига қайтиш учун музокаралар олиб бормоқда.
37 ёшли италиялик яқинда бутсаларини михга илди - унинг сўнгги иш жойи Туркиянинг "Фенербахче" клуби эди. Инсайдер Николо Скиранинг сўзларига кўра, яқин вақт ичида Бонуччи Италия терма жамоасида Лучано Спалетти мураббийлар штабига жойлашиши мумкин. Томонлар ўртасида музокаралар аллақачон бошланган.
"Скуадра Адзурра" Евро-2024да муваффақиятсиз ўйнади ва 1/8 финал босқичида Швейцария терма жамоасига ютқазди (0:2). Муваффақиятсизликка қарамай, Спалетти ўз лавозимини сақлаб қолди - у термани ЖЧ-2026га тайёрлайди.
