"Бавария" ярим ҳимоячиси Жошуа Киммих жорий трансфер ойнасида клубини ўзгартириши мумкин.

Томонлар янги шартнома шартлари бўйича ҳалигача келишиб олишмаган – амалдаги шартнома бир йилдан кейин тугайди. Инсайдер Фабрицио Романонинг сўзларига кўра, 29 ёшли футболчи “Бавария” билан келишувга эриша олмаса, кетиш ҳақида жиддий ўйлаб кўришга тайёр. Тахминларга кўра, германиялик футболчи учун фаолиятини давом эттириш учун энг афзал жой Англия Премьер-лигаси бўлади.

Миш-мишларга кўра, Жошуа Киммихга "Манчестер Сити" ва "Барселона" ҳамда Саудия Арабистони чемпионати вакиллари қизиқиш билдирмоқда.