Ярим ҳимоячи Н'Голо Канте яна бир бор Франция терма жамоаси ғалабасига катта ҳисса қўшди.

33 ёшли футболчи Евро-2024 1/8 финалидан ўрин олган Бельгияга қарши ўйинда "уч ранглилар"нинг минимал ҳисобдаги ғалабаси билан якунланган учрашувда асосий таркибда майдонга тушди. Кантенинг французлар билан йирик турнирларда (Жаҳон чемпионати ва Евро) мағлубиятсиз серияси шу тариқа 19 та ўйинга етди - бу ҳозирда фаолиятини давом эттираётган футболчилар орасида рекорд. 13 ҳолатда Франция Канте билан ғалаба қозонган, яна олти марта дуранг қайд этилган.

5 июль куни ярим ҳимоячининг сериясини Дидье Дешам шогирдлари чорак финалда тўқнаш келадиган Португалия терма жамоаси тўхтатишга ҳаракат қилади.