Ҳужумчи Марио Балотелли йўлда йиқилиб, йўловчилар ёрдамида ўрнидан тура олгани ҳақидаги видеога изоҳ берди.
"Йўлда йиқилиб тушганим ҳақидаги видеони кўрдим. Дўстларим билан дам олишда ҳеч қандай муаммо кўрмаяпман. Нега мени танқид қилиш керак? Италия терма жамоасининг Евродаги бундай чиқишидан сўнг, мастлигимни муҳокама қилишга қарор қилдингизми? Йигитлар, муҳимроқ нарсалар ҳақида ўйлаб кўринг", - деди Corriere dello Sport билан суҳбатда.
33 ёшли футболчи ҳозир эркин агент ҳисобланади. Италиялик форварднинг сўнгги клуби Туркиянинг “Адана Демирспор” клуби бўлди.
