Ёзги трансфер ойнасида дарвозабон Матвей Сафонов "Краснодар"дан "ПСЖ"га ўтди. Матбуот Лига 1 гиганти россиялик посбон учун 20 миллион евро тўлагани ҳақида хабар тарқатди.
"РБ Спорт" хабарига кўра, 25 ёшли Сафонов аллақачон "ПСЖ" ихтиёрига етиб борган. У ерда футболчи Париж клуби мураббийлари билан индивидуал дастур бўйича машғулотлар олиб боради, шу тарзда ёзги йиғин бошланишига ҳозирлик кўради. "ПСЖ" 15 июлдан тайёргарлик машғулотларини бошлайди.
Матвей Сафонов - "Краснодар" академиясининг битирувчиси. "Буқалар"нинг биринчи жамоаси таркибида дарвозабон 175 та расмий ўйин ўтказиб, 208 та гол ўтказиб юборган.
