"Лацио" "Манчестер Юнайтед" билан ҳужумчи Мэйсон Гринвуд борасида музокараларни давом эттирмоқда.
Англиялик футболчи фаолиятини Римда давом эттиришга тайёр, бироқ "Лацио" "Манчестер Юнайтед" билан трансфер борасида ҳали келиша олмаяпти. Журналист Альфредо Педулланинг сўзларига кўра, итальян клуби Гринвуд учун тахминан 22 миллион фунт стерлинг (26 миллион евро) таклиф қилади, шунингдек, шартномада "қизил иблислар"га келажакдаги тахминий сотув суммасининг 40-50 фоизини бериш имконини берувчи бандни ҳам киритади. "Бургутлар" раҳбарияти бундай шартлар манкунианликларни қаноатлантириши керак, деб ҳисобламоқда.
Ўтган мавсумда Мэйсон Гринвуд "Хетафе"да ижара асосида ўйнади. Аввалроқ "Манчестер Юнайтед" футболчи учун 35 миллион евродан кўпроқ сўрагани хабар қилинганди.
